Oktoberfest Canstatter Wasen 2023

HELLO AGAIN OKTOBERFEST <3

Das Jahr gitts es witers schöns Weekend in Stuttgart, das wer de Plan:

• Datum: Fritig, 06.10.2023 bis Sunntig, 08.10.2023
• Total hemmer 40 Tickets, es gilt first come first served!
• Ahreis: Will eus die Deutsche Bahn scho paarmal versecklet hett, wird das Jahr upgradet: Wemmer mindestens 30 Lüt sind, denn chömmer mitenand gmüetlich mitem grosse Reisecar vom Carparkplatz Zürich HB (Sihlquai) direkt zum Hotel und am Sunntig wieder retour fahre! D'Chöschte für de Car sind bitz höcher als mitem Zug, aber chunnt natürli uffd Ahzahl Lüt druffaah: Je meh Lüt, desto günstiger! Abfahrt wer planet am Fritigaabig, 06.10.2023 am 18:00 in Züri
• Samstig: Mer hend total 40 Plätz i eusem gliebte Klauss & Klauss Dinkelacker Zelt vom 11:00 bis 16:00, nacher werdemer wider bi Tagesliecht usem Zelt usestürchle
• Konsumation: Jede Platz am Tisch bechunnt en Voucher für paar Euro Konsumation, woner chönd ihlöse! Nachher zahlt jedi & jede sini eignig Konsumation (Nüm so wie letscht Jahr wo ich für alli alles zahlt han und denn han müsse knapp Privatkonkurs ahmelde)
• Aabigprogramm: Mer sind na immer neumed füren Gin Tonic dures Feister kletteret und hend es Bändeli chöne ergaunere, drum wie scho immer nüt fix organisiert :) 
• Heireis: Am Sunntignamitag wer Abfahrt mitem Car planet uff öppe 16.00, denn weremer am Sunntigaabig wieder dihei in Züri

Vorgehe:

• Bitte Ahmeldige für euri Plätz so schnell wie möglich, nach 40 reservierte Tickets isch Ende Gelände
• Ihr chönd im Ahmeldeformular ahchrützle öb ihr mit de Gruppe am Fritig via Car ahreised und am Sunntig wider zrugg
• Witer chönder ahchrützle öber au Hotelübernachtig für Fritig bis Sunntig (2 Nächt) wend, denn würded mir das ebefalls bueche
• Abgrechnet wird alles über eus, mer schicked eu denn Twint-Forderige mit de entsprechende Beträg :) Priise für Hotel und Zelt sind bitzli türer worde, fürs ganze Weekend inkl. Tickets, Reisecar und Hotel müender mit ca. CHF 300.- bis 400.- rechne :)

Bi Frage dörfeder eu gern im Chat oder an Claude (078 865 29 60) wende! 

Mer freued eus riesig uffes geils Weekend! :)